OPAT LILIN PANGHAREPAN

OPAT LILIN PANGHAREPAN
Oleh-oleh PLPG

Aya opat lilin harurung.Lalaunan leeh beak.
Peuting teuing ku jempling,hawar-hawar kareungeu wangkongan maranehna.

Nu kahiji nyarita :
"Kuring nyaeta inovatif,
Ngan hanjakal manusa teu daek robah : leuwih alus kuring mareuman sorangan we !"
Lalaunan lilin teh pareum............!

Pok nukadua ngomong :
" Kuring nyaeta Iman
Hanjakal kuring taya mangfaatna deui.manusa teu daekeun wanoh.
Taya gunana hurung oge.

Rengse ngomong,angin niup mareuman dirina.

Dibarung ku alum Lilin nu katilu ngagerendeng:
" Kuring teh kadeudeuh,kaasih,kanyaah,k

atresna.

Geus teu kuat tetep hurung,manusa teu daek neuteup jeung teu mirosea
Maranehna ( manusa ) silih sepak,silih sered,malah maranehna (manusa ) ngajauhan nu mikanyaahna.Kulawargana sorangan dipikaijid."

Sakoteap,lilin nu katilu pareum.

Teu disangka..........
Aya budak asup ka jero pangkeng,neuteup lilin nu geus pareum.
Sabab sieun ku poek,budak teh ngomong :
" Eeeeeeehhh....ku naon ieu teh,bet parareum ?Aranjeun Lilin kudu tetep hurung,kuring sieun ku poek !.

Budak teh ceurik inghak-inghakan bari sisidueun.

Lilin nu kaopat karunyaeun,sorana haroshos.Pok ngupahan :
" Ulah sieun,teu kudu ceurik !
Salila kuring masih jumeneng jeung hurung,urang hurungkeun deui Lilin nu tilu teh.

Kuring.......
PANGHAREPAN"

Kalawan panon buringas ,budak teh nyekel Lilin Harepan,terus ngahurungkeun deui lilin nu tilu

Naon nu teu pernah leungit jeung paeh ngan ukur HAREPAN nu aya di sajeroning ati urang......jeung urang pamuga bisa jadi alat,saperti budak bieu,anu dina kaayaan samporet,tagiwur,mampuh ngahirupkeun deui Iman,kadeudeuh,kanyaah,katresna jeung inovatif ku PANGHAREPAN-na!!!!


Karang panineungan, Nov.09